Ligstryders

Wie is Ligstryders?
Ligstryders is Christen Afrikaners (1 Kor 9:15-23) wat hulle beywer om as deel van die Groot Opdrag van ons Verlosser en Heer, Jesus Christus (Matt 28:16-20) die Bybelse Wêreldbeskouing op alle lewens- en studieterreine te verkondig, bevorder en verdedig. "en leer hulle om alles te onderhou wat Ek julle beveel het." - Matt 28:19

Ligstryders is bekommerde Christene wat meedoen aan die volgende:

GEBED: Gebed vir ons gesinne en vriende, vir ons kerke en ons volk, vir herlewing en reformasie. "En Ek het onder hulle 'n man gesoek wat 'n muur kan bou en voor my aangesig in die bres kan staan vir die land, sodat Ek dit nie sou verwoes nie; maar Ek het niemand gevind nie." - Esegiël 22:30

INLIGTING: Ligstryders bestudeer die Bybel met die doel om Bybelse oplossings te vind vir uitdagings en vraagstukke van vandag. Eie projekte word geloods en waar nodig vind koöedinasie plaas met ander Christen bewegings. "Julle moet nie bang wees vir hulle nie; dink aan die grote en gedugte Here, en veg vir julle broeders, julle seuns en julle dogters, julle vroue en julle huise." - Nehemia 4:14

AKSIE: Ligstryders streef daarna om "... te stry vir die geloof wat eenmaal oorgelewer is aan dié wat God vir Hom afgesonder het."- Judas 3

Ligstryders is daartoe verbind om op te staan en hulle uit te spreek vir Bybelse standaarde op elke terrein van die lewe. In kort is Ligstryders oral in die gemeenskap betrokke as sout en lig - altyd gereed om Christelike waardes te bewaar en te protesteer teen anti-Christelike invloede. "Wie staan by my en teen dié wat my leed aandoen? Wie help my teen mense wat my verontreg?" - Ps 94:16

 

Ligstryders het die volgende aksies:

Nuusbriewe

Ligstryders gee maandeliks 'n Nuusbrief genaamd Wysheid en die Esraverslag uit. Wysheid fokus op vraagstukke van vandag in en gee Bybelse oplossings daarvoor. Die Esraverslag bekyk die teologie van uit 'n Bybelse oogpunt. As jy enige van hierdie publikasies wil ontvang dan kan jy in verbinding tree met Ligstryders by die andres bo in hierdie dokument of e-pos: [email protected]. Vorige onderwerpe wat in Wysheid aangespreek is, sluit in: Christen onderwys en Tuisskole; Wapenbeheer; Pessi- Chiliasme; Aborsie; Waar teen veg ons regtig; Ekonomie; Die Sameswering; Pornografie

Literatuur

Ligstryders het verskillende literatuur beskikbaar op disket. Hieronder tel : "Finding Freedom from the pornography plague", "Bybelse Beginsels vir Suider-Afrika", Verskeie artikels wat in Wysheid (Ligstryders se maandblad) verskyn het, artikels wat in UCANEWS, FrontlineNEWS, ACA se nuusbrief verskyn het en nog baie meer. Bel of skryf aan Ligstryders vir 'n volledige lys. Volgens beplanning sal al hierdie materiaal op Ligstryders se webbladsy (http://ligstryders.bizland.com) beskikbaar wees teen die einde van 1997

Video's en Kassette

Ligstryders het ook 'n kassetbediening. Daar is 'n baie groot verskeidenheid kassette en video's beskikbaar. Van die onderwerpe wat in ons biblioteek beskikbaar is, sluit in:
Homeschooling deur David Arwine
Are we living in the Last Days? - Rev Peter Hammond
Humanism and its effects - RevPeter Hammond
Where in the Universe are we? - Philip Stott
Torontoblessing - RevHammond
Al die kassette van die Bybelse Wêreldbeskouing Seminaar is ook beskikbaar. Skryf aan ons vir 'n lys. Kassette is slegs R10 per kasset (posgeld + verpakking ingesluit)

Bybelstudie

Ons Bybelstudiegroep (Pretoria) kom die afgelope jare bymekaar. U is baie welkom om by ons aan te sluit. Maak kontak met ons by: 012-331-8121.

Aksies

Ligstryders onderneem ook sprekerstoere om die Bybelse Wêreldbeskouing so wyd as moontlik uit te dra. Spreekgeleenthede is al vir verskeie internasionale sprekers gereël. Dit sluit mense in soos: Dr Brian Abshire, Larry Pratt, David Arwine, Calvin Lindstrom, Martha McComb en andere. Vir inligting oor sprekerstoere kan Ligstryders gekontak word.

Hoekom Ligstryders?

Die Stryd vir die Lewe

Wêreldwyd verslind 'n verfynde vorm van kinderofferhandes - aborsie - meer as 55 miljoen ongeborenes jaarliks. Ook in SA is daar pogings om hierdie massamoord ingestel te kry.

Die Stryd vir die Opvoeding

Kinders bring meer as 15,000 uur in die klaskamer deur, kyk 40,000 uur lank TV en sien 900,000 advertensies tydens die jare wat hulle kind is. Wat is die waardes wat vandag aan kinders oorgedra word deur sulke bronne?

Die Stryd vir die Wetenskap

Op universiteit word God se soewereiniteit toenemend misken en uitgedaag. Hierteenoor kan soekers na kennis wat waarheid is, saam met Ps 36:10 erken:
"Want by U is die fontein van die lewe; in U lig sien ons die lig."

Die Stryd vir die Gesin

Immorele tydskrifte en videos, seksueel eksplisiete films en literatuur verteer die morele vesels van ons land. Misdaad, verkragting, moord, kindermolestering en owerspel neem 'n ondenkbare omvang aan.

'n Bybelse Strategie vir Aksie

In antwoord rondom hierdie kwessies streef Ligstryders daarna om ingelig (van die gevare en die Bybelse reaksie) en geestelik toegerus (geestelik voorbereid vir aksie) te wees en betrokke te raak (om Bybelse standaarde prakties toe te pas in die heropbou van ons gesinne, ons universiteite en skole, ons samelewing en ons volkslewe.) "Daarop hoor ek die stem van die Here wat sê: Wie sal Ek stuur? En wie sal vir ons gaan? Toe antwoord ek. Hier is ek, stuur my." - Jes 6:8

[Mail to: Ligstryders] [Home] [Top of Page]

Saamgestel deur Ligstryders: Posbus 74904 Lynnwoodrif 0040 Suid-Afrika